Apni hasti bhool gaee mai teri mastt adaaon main ..by Maaheen

Apni hasti bhool gaee mai teri mastt adaaon main
Aik pujaaran ulajh gaee ho jaisey laakh khudaaon main

Too bhi hai insaan, khata-ain tujh sai bhi tou mumkin hain
Mujh ko bhi shamil ker lai un maasoom khataaon main

Husn or Ishq kai deryaaon main, tair kai jaana mushkil hai
Har jumbish toofaan chupey hain in gehrey deryaaon main

Mujh sai milna hai tou mil ley, dhoondh na rastey milney kai
Galyaan, koochey rastey bhi kiya hotey hain sehraa-on main?

Insaanon ki dunya main Maah , insaan kum kum hi miltey hain
Mai nay shehron shehron dhoondha, dhoondha gaaon gaaon main.

"Woh jatey jatey Aankhon mai sapney saja gaya
Goya baghair saans kai jeena sikha gaya."

Mahheen.

Koi Achi si Saza do Mujh ko : Waqas Ahmad

Koi Achi si Saza do Mujh ko,

Chalo Aisa karo Bhula do Mujh ko,

Apne Dil men Basi Tasveer Meri,

Aisa karo Jala do Us ko,

Meri Wafa pe Agar shakk hay Tum ko,

To phir Nazar se Gira do Mujh ko,

Muddat hogai hay Tere Hijr men Jaagte hoye,

Apni Sanson ki Hararat se Sula do Mujh ko...