Jannat

Zindagi ke tohafo ka saahil hai teri dosti,
Dil ke aramaano ki manjil hai teri dosti,
Zindagi ban jaayegi jannat agar,
Sada saath rahegi teri dosti.

Lakeer

Suna hai asar hota hai baato me,

Aap bhi bhool jaaoge do-chaar mulaakato me,

Hamse bachkar kaha jaaoge,

Aapki dosti ki lekeer hai in haatho me.

Vaada

Chaaho to dil se mujhko mita dena,
Chaaho to mujhko bhula dena,
Par ye vada karo ki kabhi meri yaad aaye to,
Rona mat sirf muskara dena.

Kaafila

Hamne socha tha hami chaahte hai aapko,
Par aapke chaahne vaalon ka kaafila nikla,
Socha khuda se shikayat karu,
Par vo khuda bhi tera chaahne vala nikla.

Dastaan

Jab dosti ki dastaan vakt sunayega,
Hamko bhi koi shaks yaad ayega,
Tab bhool jaayenge zindagi ke gamo ko,
Jab aapke saath gujara vakt yaad ayegaa.

Maaf

Kabhi gamo se tumhaari mulakaat na ho,
Udaas baithe ho aisi koi baat na ho,
Shikayat ho to hame maaf kar dena,
Fursat me baithe ho to hame yaad kar lena.

Tasveer

Yaad karne ke liye koi cheej chaahiye,
Aap nahi to aapki tasveer chaahiye,
Par tasveer aapki hamara dil bahla na sakegi,
Kyonki vo aapki tarah muskara na sakegi.

Khafa

Is kadar hamaari ‘dosti’ ka imtihaan na lijiye,
Kyon ho khafa ye bayaan to kijiye,
Kar dijiye maaf agar ho gayi galti,
Yu yaad na karke hame saja to na dijiye.

Rishta

Koi aisaa ‘dost’ banaya jaaye,
Jiske aansu ko palkon me chupaya jaaye,
Rahe uska-mera rishta kuch aisa,
Ki agar vo rahe udaas to,
Hamse bhi na muskuraya jaaye.

Aansu

Zindagi nahi hame doston se pyaari,
Doston par haajir hai jaan hamaari,
Aankho me hamaare aansu hai to kya,
Jaan se bhi pyaari hai muskaan tumhari.

Lamha

Lamha-lamha vakt gujar jaayega,
Pal-do pal me safar kat jaayega,
Abhi vakt hai do baate kar lo,
Kaun jaane kab tumhari zindagi me koi aur aa jaayega.

Zindagi

Zindagi me hardam hasate raho,
Hasna zindagi ki jarurat hai,
Zindagi ko is andaaz me jiyo ki,
Aapko dekhakar log kahe vaah!
Zindagi kitni khoobsurat hai.

Pehchaan

Sitaaron ki pahchaan chaand se hoti hai,
Phulo ki pahchaan uski khushboo se hoti hai,
Par ae dost, apni pehchaan,
Tumhaari dosti se hoti hai.

Naaz

Apni aakhon me noor chipa rakha hai,
Hosh vaalo ko deewaana bana rakha hai,
Naaz kaise na karu aapki dosti par,
Mujh jaise naacheej ko ‘khaas’ bana rakha hai.

Judaai

Kismat pe aitbaar kisko hai…
Mil jaaye khushi to inkaar kisko hai…
Kuch majbooriya hai hamaare saamane bhi…
Varna aapki judaai se pyaar kisko hai.

Aakhen

Surkh aakhon se vo jab hame dekhate hai,
Ham ghabrakar aakhen jhuka lete hai,
Kaun milaye un aakhon se aakhen,
Suna hai vo aakhon se apna bana lete hai.

Bharosa

Dil todna hamaari aadat nahi,
Dil ham kisi ka dukhate nahi,
Bharosa rakhna hamaari dosti pe,
Dost bankar ham kisi ko bhulate nahi.

Kudrat

Jis duniya me basate ho tum,
Usi duniya me basate hai ham,
Magar khuda ki kudarat dekho,
Tumhi se milane ko taraste hai ham.

Udaas

Kabhi gamo se tumhaari mulakaat na ho,
Udaas baithe ho aisi koi baat na ho,
Shikaayat ho to hame maaf kar dena,
Fursat se baithe ho to hame yaad kar lena.

Tanhai

Zindagi ki raaho me jab aage jaaoge,
Peeche ek chaya tum hardam paaoge,
Mud ke dekhoge to tanhaai hogi,
Agar mahsoos karoge to hame paaoge.

Kismat

Kismat rook gayi dil ke taar tut gaye,
Vo bhi rooth gaya sapne bhi tut gaye,
Khajaane me the sirf do aansu the,
Ab yaad aayi aapki to vo bhi lut gaye.

Yaar

Aakhon ki sajaa tab tak, jab tak deedaar na ho,
Dil ki sajaa tab tak, jab tak pyaar na ho,
Ye zindagi bhi ek sajaa hai,
Jab tak aap jaisa yaar na ho.

Taras

Yaad karate hai yaaro ko,
Yaadon se dil bhar aata hai,
Kal saath jiya karate the sab,
Aaj milne ko dil taras jaata hai.

Dhadkan

Har dua kabool nahi hoti,
Har aarzoo poori nahi hoti,
Jinke dil me aap jaisa dost rahta ho,
Unake liye dhadkane bhi jaroori nahi hoti.

Khushi

Hamaare har raaz ka jo hamraaz hai,
Jo saaya bankar har pal hamaare saath hai,
Hamaari har khushi ka jo hakdaar hai,
Tu hi to vo hamaara dost laajwaab hai.

Kal

Dosti ki galiyo me koi gam na ho,
Hamaara ye pyaar kabhi kam na ho,
Bas yahi hai dua tum khush raho,
Kyaa pata yeh bhejne vala ‘kal ho na ho’.

Dilwale

Chand ko akele me sharam aati hogi,
Baat kuch tumhaare bhi samajh me aati hogi,
Jab bhi jikar hota hai dilwale doston ka,
Tumhe meri yaad bahut aati hogi.

Mann

Zindagi ke daur me hawaao se taalluk rakhna,
Dosti ke dauraan me dosto ko yaad rakhna,
Hamaari dosti ki khushboo aati rahegi,
Tum bas apna ‘mann’ khula rakhna.

Hume

Duniya me dost to bahut milenge,
Dosti un sabhi se kar lena,
Magar do pal tanha mile to,
Yaad hume bhi kar lena.

Jagah

Kaun kahta hai judaai hogi,
Ye afvaah kisi dushman ne udaai hogi,
Shaan se rahenge dil me tere,
Itni to jagah hamane bhi banaai hogi.

Aag

Tamanna hai ki unko nazdeek se dekhe,
Nazdeek ho to nazar uthaayi nahi jaati,
Ye ishq ki aag hi aisi hai,
Lag jaati hai lagaayi nahi jaati.

Pal

Kisi bhi mod par ham aapko khone nahi denge,
Juda hona bhi chaho, ham aapko juda hone nahi denge,
Chandni raato me, aayegi hamaari yaad,
Hamaari yaad ke vo pal aapko sone nahi denge.

Naam

Jis shaam me mere lab par aapka naam na aaye,
Khuda kare ki kabhi aisi shaam na aaye,
Ai jaane-vafa ye kabhi mumkin nahi ki afsana
Likhoo aur aapka naam na aaye.

Yaad

College me school ki yaad aayi,
Jawani me bachpan ki yaad aayi,
Kaanto ko chua to phulo ki yaad aayi,
Zindagi ko kareeb se dekha to dost, aapki yaad aayi.

Chaahat

Aap nahi aapki photo hi sahi,
Mohabbat nahi mohabbat ki chaahat hi sahi,
Yu to bahut nasha ho gaya hamko,
Kya hua jo aakhon se peene ki chaahat hi sahi.

Pyaar

Kya hai ye vaade, kya hai ye kasme,
Hamko vishvaas nahi hai inme,
Bas hai vishvaas hamko tum pe,
Kyonki ham pyaar karte hai sirf tumse.

Dost

Dosti ki tadap ko dikhaya nahi jaata,
Dil me lagi aag ko dikhaya nahi jaata,
Kitni bhi doori ho dosti me,
Aap jaise dost ko bhulaya nahi jaata.

Qeemat

Koi Pooch Raha Hai Mujh Se,
Meri Zindagi Ki Qeemat,
Mujhe Yaad Aa Raha Hai,
Tera Halka Sa Wo Muskuraana..!!

Aawaz

Teri Awaz hi Tere hone Ki Pehchan Hai
Tere Dil Ki Dhadkan se meri jaan Hai
Agar na Sunu Jis din teri sansein
Lagta Hai Us din Ye dil-o-jaan Bejaan Hai…

Duniya

कहाँ कोई ऐसा मिला जिस पर हम दुनिया लुटा देते,
हर एक ने धोखा दिया, किस-किस को भुला देते,
अपने दिल का ज़ख्म दिल में ही दबाये रखा,
बयां करते तो महफ़िल को रुला देते।