Barsaat kee bheegee raaton men, jab yaad kiseekee aatee hai
Armaan bhare is dil ko wo, meethee see kasak de jaatee hai
Jab door gagan men ye bijlee, yoon chamak chamak ke naach uthe
Sapnon se jagaakar ye meree, neendon ko udaa le jaatee hai
Ghan ghan garjen dham dham barsen, ye baadal kaale kaale bhee
Barish kee ye boonden dekho, kyaa bal khaake lahraatee hain
Ye raat bhee kaT hee jaayegee, wo subah nayee fir aayegee
Ye sochke hee is gulshan men, phoolon kee mahak chhaa jaatee hai
No comments:
Post a Comment